گت صفحه
هفتگی بنویشته
تیرمای سیزده یا لال شو اتا گتِ جشن هسته که تيرمای تبریِ سيزدهمين روز گدر جشن گیرنه. این مراسم مازرون و گیلان مردم میون جشن بهیت بی‌یه.
تیرمای سینزهِ اصل-ریشه دقیقاً میّن نی‌یه ولی افسانه‌ئون دله روایت خلوئه؛ اتاشون که ویشته طرفدار دارنه، این هسته که آرش کمانگیر این شو بورده دماوند تک جه تیر ووشا تا ایران و تورانِ سامون ره اینتی رسد هاکنه.
تیرمایِ شو رسم-رسوم زیاد هستنه. اتاشون «لال» مراسم هسته که ات‌نفر شه دیم ره سیو کنده و بصتینکلا لال وونه و مله‌گردی کنده و بخوند-بخوند همراهی، مردم سره جه شیرنی جمع کننه. این شویِ سفره و شوچره هم معروف هسته و محلی خراک و شیرنی آماده کنه و سفره په شعر خوندنه و امیری جه فال گیرنه.
دقیقاً میّن نی‌یه کجه جه این جشن شروع بیه و ونه تاریخی یا اساطیری ریشه چچی هسته؟ اپار (بعضی) اعتقاد دارنه که این جشن آرشِ تیر ووشائن جه ربط دارنه و سالروزی هسته که آرش بورده دماوند چکل و اونجه جه تیر رها هکرده تا ایران و تورانِ سامون ره میّن هاکنه. ات دسته هم گنّه که این روز دله کاوه بزو ضحاک ره بکوشته و «مهرگان» جشن دسوری هسته. یا وه ره امام علی دنیا بموئن جه ربط دنّه.
نماشون وری که بی‌یه، جوون‌ها شیش‌چو گیتنه شه دست و ونه بن ره کیسه وندستنه و وچ‌وچون ره پیش اینگونه و مردمِ سِره در ره زونه و لال‌بازی و شعرخونی جه، صاحاب‌خنه جه شیرنی‌بخاه بینه. ات نفر که وه ره گتنه «لال»، شه دیم ره سیو کرده و دستمال وندسته شه سر و دکِّل گپ نزو. لال اکثراً مرد آدم بی‌یه و کم پیش إنه که کیجائون لال بون. لال وسّه کسی بوئه که مردم وه ره خار آدم بشنوسن. وه ره گتنه دوازدهم شو قارمرض دله غسل هکنه و پاک تن داره و گپ نزنه تا ات‌موقع خطایی (غیب و دِرو-دَون دسوری) ونجه پیش نئه. البته اتی نظر این هسته که بچا ئو کته تا ونه زىوون بند بئه و نتونه گپ بزنه.
لال اتا شیش‌چو داشته که وه ره «لال شیش» گتنه و مردم ره بزو-بوشه، گتنه شگین دارنه و برکت یارنه و تا سال دیگه مریضی و ناخشی نییرنه. لال ره وردنه زنان که حامله نئینه یا کیجائون که خاستگارچی نداشتنه یا دار که میوه ندا ره تن‌سُسنه که وشون تن برکت دکفه...
دمباله 
تلمبار 
هوجی‌بئی
هفتگی عکس
دِم لاکِند یا دم‌بلاسکن اتا دونه‌خار و بئوخار مرغ نوم هسته که کِت-کتا چکوم دارنه و ونه پر-بال رنگی-رنگی هسه.
امروز واری روز
امروز شمبه، ۳۱ اکتبر ۲۰۲۶ میلادی هسته که ۱۰ تیره ما ۱۵۳۸ تبری جه برابری کنده.
امروز: هالووین (عکس دله)
خـَوِرون
- گئورگ ناگل، پیتر هگمان و کارل دایسراث ۳ نفری نوبل طبابت جایزه ره بیتنه. فرانسیس هالزن نوبل فیزیک جایزه ره بَوِرده. هنری کاگان و کنسو سوای، همبازی، نوبل شیمی جایزه ره بَوردنه. آن کارسون هم نوبل ادبیات جایزه ره بیته. ناوی پیلای هم نوبل صلح جایزه ره برنده بیه. (عکس ونه خَوِری شٮنه)
- اتا کمک‌خلبان خاسته امارات-اسراییلِ بالون ره ساقط هاکنه که مسافرون ونه دم ره بیتنه و اصلی خلبان جان ره نجات هدانه.
- ۲۰۲۶ آسیایی کائون، جاپون دله برگزار بیه که چین ویشتر طلائون ره بیته و اول بیّه.
- تیلکایو ات‌جور بامشی-پلنگ هسته که تازه شناسایی بوی‌یه.
- ایران و آمریکا جنگ دمباله تا یمن ره هم چِک بیته. حوثیون و سعودی عربستون رقابت دارنه که این کشور دله ویشته جائون ره بیرن.
