Saul

An Saul sumala han Hebreo ha Bibliya usa ka syahan hadi nga mga ginhadian han Israel ngan Judah hiya in paghadi ika-11 nga gatostuig UC. An mga pagsumat ha Bibliya hiunong kan Saul makikita ha Syahan nga Basahán ni Samuel (1 Samuel 8–31).

Sumala ha 1 Samuel 9:1–2, hi Saul—an anak nga lalaki ni Kis—nagtikang ha prominente nga pamilya ha Gibea, ha teritoryo han Benjamin. Ha iya pisikal nga hitsura—nga kilala tungod han iya pagkagwapo ngan talagsaon nga kahitaas—ginhuhulagway hiya nga arketipo nga magmarando.

Ha pagbaton han hingyap han Israel hin usa nga hadi (kitaa an 1 Samuel 8), an 1 Samuel 9:1–10:16 nagsusumat kon paonan-o hi Samuel, ha sugo han Diyos, nagdihog kan Saul sugad nga magmarando. Ginsundan ini nga pagsaysay hin asoy han pagpili ni Saul nga hadi pinaagi hin proseso hin pagripa didto ha Mispa (1 Samuel 10:17-24).

Kasunod hini, may-ada mga sumat hin mga pag-aragway upod han mga Amonitanhon ngan mga Pilisteohanon, nga diin an anak ni Saul nga hi Jonatan may-ada liwat dako nga bahin (1 Sam 11–14 EU). An mga sumurunod ni Saul mga tawo kuno tikang ha tribo ni Benjamin. Ha nakapalibot nga mga tribo, sumala ha kadam-an nga mga interpretasyon, gutiay la an iya hin-agian nga pagkilala. Ginsiguro niya an pag-eksister han Israel pinaagi han pagpaiwas han mga Amonitanhon ha este, han mga Amalekanhon ha sur, ngan han mga Pilisteohanon ha weste nga kapatagan ha baybayon.