Punk

Punk, téż Punk rock, je mùzycznym ôrtã, jaczi pòwstôł we westrzódkù 70-tëch lat w Nowim Yorkù a Londónie w sparłãczenim z subkùlturą Punk.

W wielu punk-rockòwich dokôzach pòdôwô sã rok 1977 jakno zôczątk mùzyczi Punk. W tim to rokù karna Sex Pistols a Ramones przedostałë sã na kòmercëjny rënk, równak ju rëchli gróny bëł nen czerënk przez amatorsczé "garażowé" karna jakno n.p. Stooges w Nowim Yorkù. Mùzykã Punk céchùje minimalisticzné brëkòwanié mùzycznëch instrumentów a prostota kòmpòzycjów (tpzw. trzë akòrdë a na tim kùńc). Zwãk céchùje przesterowónô gitara, chùtczi takt a sërowi głos. Tesktë są w wikszoscë angażowóné pòliticzno, a tipicznym dlô punkòwich kòncertów je tuńc Pogo.

Programòwô prostota òpanowa mùzykã Punk a nada ji na zôczątkù wiôldżi môch, doprowadzëła òna równak z czasã do wiôldżégò rozrostu lëczbë grającëch, w tim téż ò karna z môłim kreatiwnëm pòtencjałã, ë do kòmercjalizacje ti mùzyczi, sprowadzającë Punk z czasã do mòdë. Wiele karnów, jaczé trzëmałë sã spòdlowich mùzycznëch dejów Punka, jakno n.p. angażowónëch pòliticzno tesktach, wëtwòrzëłë pòzdni czerënk Hardcore punk. Z Punk rocka są téż wëszłé nowé mùzyczné czerënczi òpiarté na kùlturze protestu, jakno New Wave abò Independent.

Òbaczë téż

Bùtnowé pòwrózczi

Zbiérk òdjimków na Wikimedia Commons

"Punkòwi manifest" Grega Graffina –
punk77.co.uk – anielskô starna sparłączonô z historëją mùzyczi punk.