Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum novembro 50, 100 e 150 yari ante nun …
12 di novembro1976. La romano Star Wars: From the Adventures of Luke Skywalker ("Stelo-militi: ek la aventuri di Luke Skywalker") aparis. Ol esis adaptajo di la filmo Star Wars, ed ol esis la unesma publika menciono di la titulo, nam la filmo esis unesmafoye vidita pos sis monati, en mayo 1977. Quankam la autoro di la romano esas montrita kom George Lucas, qua direktis la filmo, ol esis skribata da Alan Dean Foster. Il augmentis la rakonto di la filmo per apta enceniganta detali. La romano inkluzas plura ceni qui omisesis de la finala versiono di la filmo.
3 di novembro1926. En Greenville, Ohio Usa, la pafisto Annie Oakley mortis, evante 66 yari. El naskis en ligna kabano en rurala regiono en Ohio, e por provizar sua povra familio per nutrivi el divenis habila pri chasado. Evante 15 yari, il vinkis ye pafado-konkurso. De 1885 el esis en la trupo di Buffalo Bill (William Cody), ed aparis en ilua spektajo Buffalo Bill's Wild West, turante en Usa, e de 1887 en Europe. Vundita en treno-acidento, el livis la trupo e pos rikupero en 1902 el divenis aktorino, aparante en dramato skribita por el, kom pafisto qua vinkas grupo de banditi. Annie Oakley docis multa homini pri bona pafado, kredante ke su-defenso por homini esas importanta.
4 di novembro1876. En Karlsruhe, la unesma simfonio di Johannes Brahms unesmafoye pleesis. Dum multa yari il hezitis kompozar simfonio, konciante ke kritikisti e la publiko expektus verko kompare a la simfonii di Beethoven. Frua orkestrala kompozuri esis la du Serenadi, di 1858 e 1859. Il komencis skisar simfonio en 1854, ed il konceptis la eventuala finala strukturo en 1868. La simfonio havas quar movimenti, e duras cirkume kinadek minuti. Pos la unesma pleo, la orkestrala direktisto Hans von Bülow nomizis ol "la 10ma simfonio di Beethoven". Brahms kompozis tri plusa simfonii en la sequant yari; la lasta esis unesmafoye pleata en 1885.
La rolo di Benjamin Franklin persuadis Britania pulsar Francia ek Kanada e kinadek yari pose persuadis Francia helpar pulsar Britania ek Usa esas extrema pruvo di paktal arto.
Franklin esis un ek la fondinti di Usa e kunkompilinti dil Usana konstituco de 1776.
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
