Wikipedia:Fandraisana

Tonga soa eto amin’i Wikipedia ny raki-pahalalana malalaka azon’ny tsirairay ovaina	Lahatsoratra 104 250 amin’ny teny malagasy
	Pejy rehetra · Sokajy · Fikambanana · Fanoroana

Lahatsoratra notsongaina ho an’ity volana ity Henri Randzavola dia mpitandrina protestanta, mpampianatra, mpanoratra ary mpikaroka malagasy. Teraka tao Fianarantsoa tamin’ny 5 Novambra 1873 izy ary nodimandry tao Antananarivo tamin’ny 21 Desambra 1953, teo amin’ny faha-80 taonany. Nandritra ny androm-piainany izy nandray anjara tamin’ny fampianarana, ny fiainan’ny Fiangonana protestanta, ny literatiora ary ny fikarohana momba ny teny sy ny kolontsaina malagasy. Maro ny solon'anarana nentiny tamin'ny naha-mpanoratra azy, toy ny Andriamahefa Henri, Historicus, Ntaolozandriny, Posterior ary FNT. Fahazazana sy fianakaviana Henri Randzavola dia zanak’i Andriamahefa folo voninahitra sy Rasoamihaja. Teraka tao Fianarantsoa izy ary lehibe tao anatin’ny tontolo Betsileo. Lahy tokana tao anatin’ny valo mianadahy izy. Nanana fifandraisana akaiky tamin’ny tontolo ara-pivavahana sy ara-panabeazana izy hatramin’ny fahazazany. Izany no nanomana azy hiditra tao amin’ny sehatry ny fampianarana sy ny asa kristianina tatỳ aoriana. Fianarana Tamin’ny taona 1880, nanomboka nianatra tao amin’ny Normal-School tao Ambalanjatovo, Fianarantsoa i Henri Randzavola. Naharitra hatramin’ny taona 1889 ny fianarany tao. Tamin’ny taona 1889 izy nifindra tany Antananarivo ary nanohy ny fianarany tao amin’ny sekolin’ny FFMA tao Ambohijatovo. Nahavita ny fianarany tao izy tamin’ny taona 1893. Nandritra ny fianarany izy nahafehy ny teny anglisy. Io fahaizana io no nanampy azy tamin’ny asa nataony taty aoriana, indrindra tamin’ny fandikana teny sy ny fifandraisana tamin’ireo misionera vahiny. (tohiny...)  Lahatsoratra tsara vakiana Tohodranon'i Tsiazompaniry Ny tohodranon'i Tsiazompaniry, naorina ny taona 1956, tohodrano mitahiry rano betsaka indrindra eto Madagasikara. Momba azy Ny tohodranon'i Tsiazompaniry dia tohodrano miendrika andohalambo sady misy andry mpanohana  hoan'ny Reniranon'i Ikopa, renirano akaikin'i Tsiazompaniry ao anatin'ny faritra Analamanga. Orinasa frantsay iray no nanorina azy io tamin'ny taona 1956. Izy io no mamorona ny Farihin'i Tsiazompaniry, izay fitahirizan-drano lehibe indrindra eto amin'ny firenena, manana velarana 31 kilometatra tora-droa. Afaka mitahiry rano hatramin'ny 260.000.000 metatra tora-telo ny tohodranon'i Tsiazompaniry. Misy tohodrano hafa mitovy karazana aminy, hita iray kilaometatra mianavaratra-andrefan'ilay tohodrano lehibe, izay manampy amin'ny fandrindrana ny rano ao amin'io fitahirizana io. Any amin'ny kaominina Ambohimiadana, distrikan' Andramasina, faritra Analamanga no misy azy. Ny rano avoakan'ny tohodrano dia mikoriana any amin'ny toby famokarana herinaratra ao Antelomita, izay hita any ambany kokoa amin'ny renirano. Nanomboka tamin'ny taona 2011 ny tetikasa hametrahana toby famokarana herinaratra manana tanjaka 5,25 MW eo am-pototr'ilay tohodrano. Tamin'io taona io ihany, dia tena ambany dia ambany ny haavon'ny rano tao amin'ilay tohodrano. Efa nampiasaina namatsiana rano an' Ikopa ny rano tao Tsiazompaniry vokatry ny haintany, toy ny tamin'ny taona 2017 izay namoahana didim-panjakana ny amin'ny famahana ny tohodrano. (Fanamarihana: Andao hatsaraina ny lahatsoratra amin'ny teny malagasy, ateveno miaraka amin'ny loharanom-baovao manaraka ny satan'ny Wikipedia... Tsindrio ny rohy eto ambany dia ateveno. Marihana fa na dia nanatevina ny lahatsoratra aza ianao dia tsy miova ny eto amin'ny pejy voalohany, ka aza mikorapaka fa fombany ihany izany.) (tohiny)

Sarin’ny anio ◄ ►  Ny vaovao Azontsika tsirairay atao ny mametraka vaovao tsy mitongilana, tsy fampielezankevitra ary tsy mandainga eto Hotel de ville de Limoges 18 octobre 2026 011 (cropped) 21 oktobra 2026 - PHP2Shell na CVE-2026-109618 sy CVE-2026-109619, ireo lesoka tsikaritra tamin'ny arofenitra ara-pandrafetana PHP (anjotra) ka tsy maintsy mikojakoja sy manavao kinova izay mpiandraikitra ny tranonkala mba tsy harefo manoloana ny fanafihan'ny mpisovoka. 17 oktobra 2026 - May nisy nandoro nandritra ny fihetsiketsehan'ny mpianatra ny Lapan'ny Tanànan'i Limoges (Sary). 12 oktobra 2026 - Lokan'ny Bankin'i Soeda ho fahatsiarovana an'i Alfred Nobel nomena an'i Michael Woodford sy Robert Hall. ny 4 oktobra 2026 ka hatramin'ny 9 oktobra 2026 nanomezana ireto loka Nobel ireto : Fandriampahalemana ho an'i Navanethem Pillay; Literatiora ho an'i Anne Carson ; Simia ho an'i Henri Kagan sy Kensō Soai ; Fizika ho an'i Francis Halzen ; Fitsaboana ho an'i Karl Deisseroth, Peter Hegemann ary Georg Nagel. Indreto kosa ny tahiry: Jolay-septambra 2026 * Mey 2026 * Avrily 2026 * Marsa 2026 * Tahiry 2026 * Teo aloha  Efemerida Androany 31 oktobra - Halloween - Andron'ny Reformasiona: 1517 - Nametrahan'i Martin Lotera ny tsangan-kevitra 95 teo am-baravaran'ny fiangonana Wittenberg. 1941 - Vita ireo sarivongana teo amin'ny Tendrombohitra Rushmore any Dakota Atsimo, Etazonia — izay maneho an'i Washington, Jefferson, Theodore Roosevelt, ary Lincoln. 1991 - Fifanarahan'ny 31 oktobra 1991 tao amin'ny Hotel Panorama tao Andrainarivo, nentina namahàna ny krizy tsy mety mivaha teto Madagasikara. Tsy navelan'ny minisitry ny foloalindahy, Ramakavelo Désiré hivoaka tao ny mpanao politika raha tsy efa misy fifanarahana vita. 2011 - Nahatratra fito miliara ny mponina eto an-tany araka ny tomban'ny Firenena Mikambana.

Manana ny tohan'ny Wikimedia Foundation ireo volavola :

m:Fandraisana	Meta-Wiki Toerana iraisan'ny fikambanan'ny tetikasa rehetra		wikt:Fandraisana	Wikibolana Rakibolana malalaka		n:Fandraisana	Wikimbaovao Gazety malalaka (incubator)
b:Fandraisana	Wikiboky Lahatsoratra sy boky malalaka		q:Fandraisana	Wikitsonga rakitr' ireo teny notsongaina (incubator)		s:Fandraisana	Wikifamakiam-boky famakiam-boky (tetikasa iraisana)
v:Fandraisana	Wikiversite Fianakaviambe Pedagôjika (Wikiversite iraisana)		wikispecies:Fandraisana	Wikispecies Tetikasa iraisana		commons:Accueil	Wikimedia Commons Toerana ametrahana ny rakitra Multimedia